Սանկտ Պետերբուրգում ահաբեկիչների ձերբակալության վայրում 2 պայթյուն է տեղի ունեցել

Սանկտ Պետերբուրգի բնակելի տներից մեկում Մոսկվայի ժամանակով 11:20-ին 16-հարկանի շենքից երկու պայթյուն է հնչել: Դրանից հետո պատուհաններից ծուխ է դուրս եկել: Շենքը շրջափակված է հատուկջոկատայինների կողմից: Դեպքը տեղի ունեցել դաշնային հետախուզման մեջ գտնվող անձանց ձերբակալության հատուկ գործողության ժամանակ: Այս մասին գրում է Lenta.ru-ն՝ նշելով, որ օգոստոսի 17-ի առավոտյան, տեղի ժամանակով ժամը 10:00-ին բնակելի շենքի մոտ են ժամանել ՌԴ ազգային գվարդիայի մարտիկները, Անվտանգության դաշնային ծառայության ներկայացուցիչներ, այդ թվում նաև հակաահաբեկչական ստորաբաժանման և «Град» հատուկ նշանակության ջոկատի անդամները: Ուժայինները ժամանել են 20 ավտոմեքենաներով: