Էրդողանը նոր լիազորություններ է ստացել

Թուրքիայի իշխանություններն արտակարգ դրության մասին երկու հրամանագիր են հրապարակել, որոնք նախատեսում են պետական հեղաշրջման փորձին ներգրավվածության համար կասկածվող ոստիկանության ավելի քան 2 հազար աշխատակիցների և ավելի քան 300 զինծառայողների պաշտոնից ազատում: Այս մասին հայտնում է Reuters գործակալությունը: Իշխանությունները ստացել են ընդլայնված լիազորություններ, որոնք, մասնավորապես, թույլ են տալիս նրանց փակել հեռահաղորդակցական ընկերությունները: Ընդ որում՝ նախագահ Ռեջեփ Թայիփ Էրդողանին իրավունք է տրամադրվում բանակի հրամանատար՝ գլխավոր շտաբի ղեկավար նշանակել, ով ավելի վաղ ենթարկվում էր վարչապետին: Հիշեցնենք, որ մեկ ամիս առաջ՝ հուլիսի 15-ին, Թուրքիայում տեղի է ունեցել ռազմական հեղաշրջման փորձ, որը տապալվել է: Երկրի նախագահ Ռեջեփ Թայիփ Էրդողանը հեղաշրջման կազմակերպման համար մեղադրում է իր նախկին համախոհ և ներկայիս ոխերիմ թշնամիՖեթուլլահ Գյուլենին, որը ներկայում բնակվում է ԱՄՆ-ում: Հինգ օր անց երկրում արտակարգ դրության ռեժիմ է սահմանվել: