Ռուսաստանը եւ Հայաստանը պատրաստվում են Զորքի միացյալ խմբավորման մասին համաձայնագիր ստորագրել
ՌԴ պաշտպանության փոխնախարար Անատոլի Անտոնովը հայտնել է, թե ավարտվում է Ռուսաստանի եւ Հայաստանի Զինված ուժերի միացյալ խմբավորման ստեղծման վերաբերյալ համաձայնագրի նախապատրաստությունը: «ՌԻԱ Նովոստիի» հաղորդմամբ՝ բանակցությունների ընթացքում Ռուսաստանի պաշտպանության նախարար, բանակի գեներալ Սերգեյ Շոյգուն Հայաստանի պաշտպանության նախարար Սեյրան Օհանյանին նաեւ առաջարկել է համաձայնագիր ստորագրել ճառագայթային, քիմիական եւ կենսաբանական իրավիճակի ի հայտ բերման եւ գնահատման ոլորտում փոխգործակցության վերաբերյալ: «Մենք հաջողությամբ համագործակցում ենք եւ երկկողմ ձեւաչափում, եւ միջազգային կառույցների շրջանակում: Ռազմական գերատեսչությունների գծով փոխգործակցության բարձր մակարդակը թույլ է տալիս օպերատիվ կերպով լուծել համագործակցության ընթացիկ առաջադրանքները եւ ժամանակին արձագանքել տարածաշրջանում տեղի ունեցող փոփոխություններին», — ասել է Անտոնովը:
Հետևեք մեզ Viber-ում
