«Բորնմութ» - «Մանչեսթեր Յունայթեդ». Բուքմեյքերների կանխատեսումը

Ֆուտբոլի Անգլիայի Պրեմյեր լիգայի առաջին տուրում օգոստոսի 14-ին կմեկնարկեն մեդալների հավակնորդներից «Մանչեսթեր Յունայթեդը», «Արսենալն» ու «Լիվերպուլը»: Ժոզե Մոուրինյոյի գլխավորած «Մանչեսթեր Յունայթեդը» կմեկնարկի արտագնա խաղով՝ հյուրընկալվելով «Բորնմութին»: Բուքմեյքերները ֆավորիտ են համարում հյուրերին, որոնց հաղթանակի գործակիցը 1.75 է: «Բորնմութի» հաղթանակի հավանականությունը ստացել է 5.00, ոչ ոքին՝ 3.60: Այս խաղում նորամուտը Պրեմյեր լիգայում կնշեն Հայաստանի հավաքականի կիսապաշտպան Հենրիխ Մխիթարյանը եւ շվեդ հարձակվող Զլատան Իբրահիմովիչը: Հանդիպումը կմեկնարկի Երեւանի ժամանակով  16:30-ին: Առաջին տուրի գլխավոր սուպերդիմակայությունը տեղի կունենա Լոնդոնում: «Արսենալը» կընդունի «Լիվերպուլին»: Բուքմեյքերները նախապատվությունը տալիս են դաշտի տերերին՝ 2.40: Ոչ ոքին ունի 3.40, «Լիվերպուլի» հաղթանակը՝ 3.10 գործակից: Հանդիպումը կմեկնարկի Երեւանի ժամանակով 19:00-ին: