Ռուսաստանի ռազմաօդային ուժերը Սիրիայում հարվածներ են հասցրել ԴԱԻՇ-ի օբյեկտներին

Ռուսաստանի ռազմաօդային ուժերը Սիրիայում հարվածներ են հասցրել ԴԱԻՇ-ի օբյեկտներին, տեղեկացրել է ՌԴ պաշտպանության նախարարությունը: «Տու-22Մ3» ինքնաթիռները, դուրս գալով Ռուսաստանի տարածքում գտնվող օդանավակայանից, բեկորա-ֆուգասային ռազմամթերքով հարված են հասցրել Սիրիայի հարավարևմտյան շրջաններին և Դեյր Զորի հյուսիսարևելյան շրջաններին: Հարվածները ոչնչացրել են ահաբեկիչների 2 կետ, զինամթերքով 6 խոշոր պահեստ, 2 տանկ և հետևակի 4 մարտական մեքենա, 7 ավտոմեքենա, մեծ քանակությամբ զինյալների: Ռմբակոծիչներին օգնել են «Խմեյմիմ» օդանավակայանից դուրս եկած «Սու-30ՍՄ» և «Սու-35Ս» ինքնաթիռները: ՌԴ ՊՆ-ից հայտնել են, որ առաջադրանքը կատարելուց հետո ռուսական ինքնաթիռները վերադարձել են տեղակայման վայրեր: