Լեւոն Արոնյանը հաղթեց Հիկարու Նակամուրային

Sinquefield Cup շախմատային սուպերմրցաշարի նախավերջին տուրում Լեւոն Արոնյանը սպիտակներով մրցել է ամերիկացի Հիկարու Նակամուրայի հետ եւ առավելության է հասել 87-րդ քայլին: Հայ շախմատիստը 8 հնարավորից վաստակել է 4.5 միավոր եւ բուլղարացի Վեսելին Տոպալովի ու հնդիկ Վիշվանաթան Անանդի հետ բաժանում է 2-4-րդ տեղերը: Միանձնյա առաջատարն ամերիկացի Ուեսլին Սոն է՝ 5 միավոր: Վերջին տուրում Լեւոն Արոնյանը սեւերով կխաղա Վեսելին Տոպալովի հետ: Սենթ Լուիս, ԱՄՆ Sinquefield Cup, 8-րդ տուր Լեւոն Արոնյան (Հայաստան) - Հիկարու Նակամուրա (ԱՄՆ)՝ 1:0 Ուեսլի Սո (ԱՄՆ) - Ֆաբիանո Կարուանա (ԱՄՆ)՝ 0,5:0,5 Վիշվանաթան Անանդ (Հնդկաստան) - Վեսելին Տոպալով (Բուլղարիա)՝ 0,5:0,5 Լիրեն Դինգ (Չինաստան) - Մաքսիմ Վաշյե-Լագրավ (Ֆրանսիա)՝ 0,5:0,5 Անիշ Գիրի (Հոլանդիա) - Պետեր Սվիդլեր (Ռուսաստան)՝ 0:1