Վարչապետը ՝Սուրիկ Խաչատրյանի խնդրանքի հետքերով

Կառավարությանը  ներկայացված  նախագծի ներկայացման ժամանակ,ըստ որի Սիսիան քաղաքում 153,76 քառ. մետր մակերեսով անհատույց տարածք տրամադրել «Սյունիքի մարզի հաշմանդամների «Խարիսխ» հասարակական կազմակերպությանը ,  Պետ. գույքի կառավարման վարչության պետի տեղակալ Աշոտ Մարկոսյան նշեց, որ «Խարիսխ» հասարակական կազմակերպությունը պարտավորվել է անհատույց օգտագործման պայմանագիրն ուժի մեջ մտնելուց հետո տարածքի վերանորոգման և գույքի ձեռք բերման նպատակով երկու տարվա ընթացքում կատարել 1 մլն դրամի չափով ներդրումներ. «Հաշվի առնելով, որ կազմակերպության կողմից ստանձնած վերանորոգման համար նախատեսած գումարը որոշ հանգամանքների պատճառով ուշանում է, հետագա խնդիրներից խուսափելու նպատակով ՝Սյունիքի մարզպետը գրությամբ դիմել է ստանձնած պարտավորությունների կատարումը մեկ տարի ժամկետով հետաձգելու խնդրանքով: Սյունիքի մարզպետը խնդրանքում նշել է, որ առաջացած ֆինանսական դժվարություններն առաջիկայում կլուծվեն»: Վերոնշյալ նախագիծը գործադիրը մերժեց: Վարչապետին սակայն հետաքրքրեց, թե ինչով է զբաղվում տվյալ ՀԿ-ն. հարցը պարզաբանելու համար նա դիմեց Տարածքային կառավարման նախարար  Դավիթ Լոքյանին՝ հանձնարելով զբաղվել այս հարցով. «Մեկ միլիոնն այն գումարը չէ, որ բերում եք Կառավարություն, հետաձգում եք, կարող է մի տարի հետո բերեք, մի հատ էլ հետաձգեք: Եթե մեկ միլիոնը կներդրվի՝ կներդրվի, եթե ոչ՝ հարկավոր է հանել այս սահմանափակումը: Պարզեք՝ ինչով է զբաղվում այդ  կազմակերպությունը: Չստորագրել նախագիծը՝ մինչև Դավիթ Լոքյանը չպարզի մանրամասները:Եթե իրականում գործում է, զբաղվում է հաշմանդամների գործերով՝ պրոբլեմ չեմ տեսնում»,-ասաց նա: