Նազիկ Ավդալյանը 5-րդ տեղի համար չի ափսոսում
« Օլիմպիական խաղերում 5-րդ տեղի համար չեմ ափսոսում և ուրախ եմ գրանցած արդյունքի համար: Դեռևս մեկ տարի առաջ ավելի մեծ ակնկալիքներ ունեի ինքս ինձնից: Կարծում էի, որ կհասնեմ իմ հին կիլոգրամներին, սակայն չնախատեսված վնասվածքներ եղան, որոնք խանգարեցին իմ մ արզումներին: Չեմ ափսոսում ոչնչի համար, արեցի այն, ինչ կարող էի: Եղել են մարզումներ, որոնց ժամանակ մարզվել եմ ցավերով: Ես այսօր արեցի այն, ինչ կարող էի: Օլիմպիական խաղերին մասնակցելը բոլոր մարզիկների երազանքն է, այդ թվում` և իմ: Գուցե պոկում վարժությունում կարողանայի առավել կիլոգրամներ բարձրացնել, բայց հիմա ունենք այն, ինչ ունենք»,-Օլիմպիական խաղերւմ իր գրանցած արդյունքների և գրաված տեղի համար նման կերպ է արտահայտվում ծանրորդուհի Նազիկ Ավդալյանը:
Հետևեք մեզ Viber-ում
