«Սերժ Սարգսյանը գնում է ոչ թե ասելու,այլ՝ լսելու».Արա Պապյան.տեսանյութ
«Պուտինը գալիս է Բաքու, նրան դիմավորում է փոխվարչապետը, հետո Պուտինը գնում է թեյելու Ադրբեջանի նախագահի տուն, իսկ մեզ մոտ մեր նախագահին կանչում են Մոսկվա՝ ինչ-որ բաներ ասելու համար, երբ հանգիստ կարելի էր Բաքվից մտնել Երեւան՝ գոնե արտաքին հավասարությունը պահելու համար: Էրդողանի հետ հանդիպումը կարելի էր ոչ թե ամսի 9-ին դնել, այլ՝ 10-ին: Ի վերջո մենք ենք ստրատեգիական դաշնակից»,-այս մասին Հայելի ակումբում ասաց «Մոդուս Վիվենդի» կենտրոնի ղեկավար Արա Պապյանը:Վերջինս հայտնեց,որ Սարգսյան-Պուտին հանդիպումից ակնկալիք չունի,իսկ, եթե Կազանյան փաստաթուղթը նորից շրջանառության մեջ մտնի, այն ցույցերն ու ելույթները, որ մենք տեսանք, պարզապես խաղ կթվան այն ցույցերի հետ, ինչ սպասվում է Հայաստանին: «Վստահ չեմ, որ կգա մի ժամանակ, որ որեւէ նախագահ կկարողանա հանդես գալ հողեր հանձնողի կարգավիճակով: Եթե Պուտինի կողմից ըմբռնում կա՝ ուրիշ բան, եթե ոչ, Սարգսյանը պիտի վերադառնա ու դիմի ժողովրդին եւ ասի՝ հայրենիքը վտանգի մեջ է, եկեք միասին որոշենք՝ ինչ ենք անում: Եթե պետք է ՝ պիտի հրաժարական տա: Այսօր երկրի ճակատագրի հարցն է լուծվում»,-նշեց Պապյանը: Ավելի մանրամասն՝ տեսանյութում
Հետևեք մեզ Viber-ում
