Ամերիկացիների կեսից ավելին պատրաստվում Է քվեարկել Քլինթոնի օգտին
Դեմոկրատական կուսակցությունից ԱՄՆ-ի նախագահի պաշտոնի թեկնածու Հիլարի Քլինթոնը կանխապահովել Է ընտրողների 51 տոկոսի աջակցությունը, որոնց առաջարկվել Էր ընտրություն կատարել երկրի երկու հիմնական կուսակցությունների թեկնածուների միջեւ:
Այդ են ցույց տվել ամենշաբաթյա հարցման արդյունքները, որն անցկացվել Է NBC հեռուստաալիքի եւ Survey Monkey ընկերության կողմից:
Չորս թեկնածուների՝ Քլինթոնի, Թրամփի, «կանաչների» կուսակցությունից թեկնածու Ջիլ Սթայնի եւ ԱՄՆ-ի Լիբերտարիանական կուսակցությունից թեկնածու Հերի Ջոնսոնի թվից ընտրություն կատարելիս՝ Քլինթոնի օգտին իր ձայնը տվել Է միայն 44 տոկոսը: Այդուհանդերձ, նաեւ այս դեպքում Է հանրապետական Թրամփը նրան տանուլ տալիս ձայների 38 տոկոսով:
Քլինթոնն իր մրցակցից՝ հանրապետական Թրամփից, առաջ Է 10 տոկոսով, ինչը 2 տոկոսով ավելի Է, քան անցյալ շաբաթ ցույց Էր տվել հեռուստաալիքի հարցումը:
Հարցումը SurveyMonkey-ի կայքում անցկացվել Է օգոստոսի 1-ից մինչեւ 7-ն ընկած ժամանակաշրջանում: Ուսումնասիրությանը մասնակցել են 11 հազար 480 քաղաքացիներ, որոնք որպես ընտրողներ գրանցված են ԱՄՆ-ի նախագահական ընտրություններում: Վիճակագրական անճշտությունը կազմում Է 1,2 տոկոս, հաղորդել Է ՌԻԱ Նովոստին:
Հետևեք մեզ Viber-ում
