ՄԱԿ-ի կոչը. Հալեպում մարդասիրական դադար հայտարարել

RIA Novosti-ն տեղեկացնում է,որ  ՄԱԿ-ը կոչ է անում Սիրիայի Հալեպ քաղաքում մարդասիրական դադար հայտարարել` քաղաքի էլեկտրալարերն ու ջրամատակարարման ցանցը վերականգնելու, ինչպես նաև մարդասիրական օգնություն ցուցաբերելու համար, ասվում է Սիրիայի հարցով ՄԱԿ-ի մարդասիրական համակարգող Յաղուբ էլ Հիլոյի հայտարարության մեջ: «Գնահատականների համաձայն` 250-275 հազար մարդ է արևելյան Հալեպում հայտնվել ծուղակում հուլիսից ի վեր Կոստելլո ճանապարհի փակումից հետո, որը այդ շրջանի վերջին ճանապարհն է: Օգոստոսի 6-ից Խանասար ճանապարհը նույնպես փակվել է, ինչի հետևանքով ավելի քան 2 միլիոն մարդ է հայտնվել ծուղակում»,- ասվում է հայտարարության մեջ:   «ՄԱԿ-ը պատրաստ է օգնել Հալեպի քաղաքացիական բնակչությանը: Նվազագույնը, որ ՄԱԿ-ը պահանջում է, ռազմական գործողությունների դադարեցումն է կամ 48 ժամով մարդասիրական դադարի հայտարարումը` օգնելու Հալեպի միլիոնավոր կարիքավոր մարդկանց»,- ասվում է փաստաթղթում: