Ինչ է պատմում կալանքից ազատված Ալեք Ենիգոմշյանը
«Հիմնադիր խորհրդարանի» անդամ Ալեք Ենիգոմշյանը, ով ժամեր առաջ է ազատ արձակվել, տեղեկացրեց, որ իր դեմ ուղղված մեղադրականն և ընթացակարգային քայլերը լրիվ անհիմն են: «Ասեմ, որ և՛ իմ դեմ ուղղված մեղադրականը՝ բովանադակային իմաստով, և՛ ինձ ձերբակալելու, կալանավորելու ընթակարգային, իրար հաջորդող քայլերը, որոշումներն անհիմն են»,- ասաց նա: «Քանի որ այդ ընթացակարգային որոշումները լրիվ անօրինական էին` կա´մ պետք է հիմնավորվեին, կա´մ այսօրվա որոշումը կայացվեր: Հիմնավորումները երեքն էին` օժանդակելը հիմնավորում էին Պավլիկ Մանուկյանի և Վարուժան Ավետիսյանի հետ կայուն կապ պաշտպանելով, տեղյակ պահելով բանակցությունների մասին և ցուցարարներին հրահրելով՝ անկարգություններ ցույց տալու և նաև ոստիկանության շղթան ճեղքելու և ՊՊԾ գունդ ուղղվելու… այս ապացույցներով են ինձ մեղադրել: Երեքն էլ անհեթեթություն են»,- նշեց նա: Ալեք Ենիգոմշյանի պաշտպան Նիկոլայ Բաղդասարյանն ասաց, որ առաջին իսկ օրվանից պահանջել են ցուցմունք տալու հնարավորություն տալ, բայց ցուցմունքը չեն արձանագրել՝ համապատասխան սարքավորումներ կամ բրայլյան գրիչ չլինելու պատճառով. կխնդրեն այսօրվա հայտարարությունն ընդունել՝ որպես դիրքորոշում, այլևս բացատրություն և ցուցմունք չեն ցանկանա տալ, քանի որ 10 օր շարունակ խնդրել են, որ քննիչը գա, ցուցմունք վերցնի:
Հետևեք մեզ Viber-ում
