Սրանք ոչ դաս են քաղում, ոչ տալիս…

Ուշադրություն դարձրեք. վերջին դեպքում սահմանագոտում հայտնված ռուս զինվորն ասել է «3-4 օր է հեռացել է զորամասից…», իսկ ՀՀ իշխանությունները տեղեկացված չեն եղել։ Պերմյակովի դեպքում, նա, ըստ գործի նյութերի, զորամասից հեռացել է գիշերը 2-3-ի սահմաններում, իսկ Վովա Գասպարյանը հարցազրույցում ասում է, թե ՀՀ իշխանություններին ռուսական կողմը զինվորի փախնելու մասին տեղեկացրել է առավոտյան ժամը 08:06-ին, երբ, փաստորեն շատ ուշ է եղել միացյալ որոնման համար։ Ինչ է նշանակում այս ամենը։ ՌԴ-ն եւ իր բազան շան տեղ չի դնում ՀՀ նոմինալ իշխանությանը։ ՀՀ իշխանությունը ազդեցիկ ջանք կամ որեւէ ջանք չի ներդնում  իր ռազմավարական դաշնակցին կարգուկանոնի եւ պատասխանատվության կոչելու համար։ Գյումրու քաղաքապետն ու ավագանին ոչ մի ջանք չեն ներդնում ՀՀ պետական իշխանությանը այս խնդիրները կարգավորել տալու եւ բազայի հրամկազմին կարգի հրավիրելու համար (2015 թվին երեք անգամ գյումրեցիների եւ ՀՀ մյուս քաղաքացիների անվտանգությունը երաշխավորելու՝ Սերժ Սարգսյանին հղվելիք ուղերձի նախագիծ եմ տարել Գյումրու ավագանու նիստին, որոնք բացահայտ եւ քողարկված հանրապետականների ջանքերով եւ քաղաքապետի համաձայնությամբ արգելափակվել են եւ անգամ օրակարգ չեն մտցվել)։ Այս անպատասխանատու վարքի եւ քաղաքականության հետեւանքը կարող է անհամեմատ ողբերգական լինել, քան Ավետիսյանների սպանդը։ Իսկ աշխարհաքաղաքական տեսանկյունից՝ կործանարար Հայաստանի համար։ Սա մի քանի անգամ է ասվել։ Լևոն Բարսեղյանի գրառումը