Բժիշկները թույլ են տվել Պելեին վառել Օլիմպիական կրակը
Reuters գործակալությունը հայտնում է ,որ բժիշկները թույլ են տվել բրազիլացի լեգենդար ֆուտբոլիստ Պելեին վառել օլիմպիական կրակը Ռիո դե Ժանեյրոյում Խաղերի բացման արարողության ժամանակ, սակայն նրան կարող են խանգարել մկանային ցավերը: Ավելի վաղ Պելեն հայտնել էր, որ օգոստոսի 5-ին՝ Խաղերի բացմանը, օլիմպիական կրակը վառելու առաջարկ է ստացել: Սակայն հովանավորչական պայմանագրերի պատճառով 75-ամյա բրազիլացին վստահ չէր, որ կարող է մասնակցել: Հովանավորների հետ խնդիրները լուծվել են, սակայն այժմ կարող են խանգարել առողջական խնդիրները: Պելեն դեկտեմբերին վիրահատության է ենթարկվել ազդրի շրջանում և այժմ ձեռնափայտով է տեղաշարժվում:
Հետևեք մեզ Viber-ում
