«Հովսեփ Խուրշուդյանին թույլ չեն տվել ձերբակալման օրը սնունդ փոխանցել».փաստաբան.տեսանյութ
«Մենք տեսել ենք տեսանյութերում՝ ինչ կարգի բռնություն է կիրառվում մարդկանց նկատմամբ, և բռնություն կիրառողները ոչ միայն ոստիկաններ են, այլև քաղաքացիական համազգեստով անձինք: Կոնկրետ Հովսեփ Խուրշուդյանի՝ տվյալ տուն մտնելու նպատակը եղել է այն, որ Անուշ անունով մի աղջիկ վնասվածք է ստացել, և ներս են տարել, առաջին օգնությունն են ցույց տվել, և Խուրշուդյանը հենց ինքն է այդ աղջկան տարել և շտապ օգնության մեքենա նստեցրել, դա մոտ կես ժամ տևել է: Մոտ կես ժամ անց այդ տուն են ներխուժել Ոստիկանության աշխատողներ և տանից հանել են մոտ 10-13 հոգի անձանց: Այդ ժամանակ Ոստիկանության բարձրաստիճան անձինք մատնանշել են Հովսեփ Խուրշուդյանին ու ասել են, որ իրեն էլ պետք է տանեն: Այսինքն՝ Խուրշուդյանին ճանաչել են»,-այս մասին քննարկման ժամանակ ասաց ՀՀ Փաստաբանների պալատի անդամ, Հովսեփ Խուրշուդյանի շահերի պաշտպան Սեդա Սաֆարյանը: Ավելի մանրամասն՝ տեսանյութում
Հետևեք մեզ Viber-ում
