«Սասնա ծռերի» անդամները հասկացան, որ իրենց օգտագործել են». Գառնիկ Իսագուլյան.տեսանյութ

«Ամբողջ գործընթացը եղել է Սերժ Սարգսյանի հսկողության ներքո: Նախագահն օրը երկու անգամ հանդիպել է այն մարդկանց հետ, որոնք այդ ուղղությամբ աշխատանք են կատարել, ասելով, որ ամեն ինչ պետք է անել, որ ոչ մի զոհ չլինի: վերջին պահին «Սասնա ծռեր» խմբի տղաները հասկացել են, որ իրենց օգտագործում են»,-այս մասին Հայելի ակումբում ասաց «Ազգային անվտանգություն» կուսակցության առաջնորդ Գառնիկ Իսագուլյանն: Հարցին, թե ո՞վ է օգտագործել նրանց եւ ի՞նչ նպատակով, Իսագուլյանը որևէ հստակ պատասխանեց չտվեց, միայն նշեց` դա իր անձնական կարծիքն է: Բանախոսի խոսքով, բազմաթիվ զրույցներ ու հանդիպումներեն եղել տարբեր քաղաքական գործիչների, կուսակցությունների ղեկավարների հետ, այդ թվում բավականին լուրջ ու երկար զրույց է եղել Ալեք Ենիգոմշյանի, Արա Պապյանի հետ. «Եվ լրագրողները, եւ շատ-շատերն «Սասնա ծռերի» հետ կապված այս գործընթացի մեջ տեսել են միայն սառցաբեկորի վերին մասը, իսկ այն տիտանական աշխատանքը, որ տարվել է բոլորի աչքից հեռու, ցավոք, շատերը չեն նկատել»,-նշեց Իսագուլյանը:   Ավելի  մանրամասն՝  տեսանյութում