«Սերժ Սարգսյանն ասում է մոռացեք, բայց դա չի մոռացվում».Լարիսա Ալավերդյան.տեսանյութ

«Որևէ երկիր չի զարգանում ընտրությունների կեղծիքներով, կոռումպացված ղեկավարության շարունակ խրախուսմամբ, ոստիկանության հանցավոր արարքները մոռացության տալու կոչով: Կարծում եմ՝ այդ տեքստում այդ ամենը կա, պարզապես ժամանակի առումով չի ընթերցվել»,-այս մասին Հայելի  ակումբում ասաց  «Ընդդեմ իրավական կամայականության» ՀԿ գործադիր տնօրեն Լարիսա  Ալավերդյանը:Վերջինիս  խոսքով՝ Սերժ Սարգսյանի խոսքն ամբողջական չէր,քանի որ  նա տարբերակեց ոստիկանության կողմից գործած անթիվ հանցագործությունները բռնությամբ տեղի ունեցած այլ գործողություններից, որոնք անպայման գնահատական  են ստանալու: «Ընդհակառակը` Սերժ Սարգսյանն ասում է մոռացեք, բայց դա չի մոռացվում: Այս տարիների ընթացքում ապացուցվել է՝ ոչ մի բան չի մոռացվում, հակառակը՝ կուտակվում է և նոր բռնկման հիմք դառնում,»-նշեց  Լարիսա  Ալավերդյանը:   Ավելի  մանրամասն՝ տեսանյութում