Գևորգ Սաֆարյանի նկատմամբ խոշտանգումները չեն կանխվում

«Նոր Հայաստան» հանրային փրկության ճակատի անդամ Գևորգ Սաֆարյանը կրկին հացադուլ է հայատարարել՝ պահանջելով իրեն տեղափոխել համեմատաբար ավելի ապահով խուց: Գևորգ Սաֆարյանի փաստաբանը՝ Տիգրան Հայրապետյանը, փաստել է, որ Գևորգի նկատմամբ բռնություն և խոշտանգումներ են  կատարվել: Այդ մասին Հայելի.am-ի թղթակցի հետ զրույցում  հայտնեց ՀԽ մամուլի խոսնակ  Վարուժան Ավետիսյանը: Հայելի.am-ի ունեցած տեղեկությունների համաձայն` Գևորգ Սաֆարյանին  առանձին խուց չեն տեղափոխել: Դա նշանակում է, որ նրա խուց է բերվում օրաբաժին ուտելիքը, որը ուտում են խցակից ընկերները: Հիշեցնենք, որ Գևորգ  Սաֆարյանը հացադուլ էր հայտարարել մի քանի օր առաջ, որից հետո նա դադարեցրել է հացադուլը, քանի որ  հացադուլավորների պատժախցում են հայտնվել քրեական հեղինակություններ և  ճնշումներ գործադրել նրա նկատմամբ: Սաֆարյանը կալանավորվել է հունվարի 1-ին՝ իշխանության ներկայացուցիչ նկատմամբ բռնություն գործադրելու մեղադրանքով: Աստղիկ Ավագյան