Բաքվում տեղի է ունենալու Ադրբեջանի, Ռուսաստանի եւ Իրանի նախագահների հանդիպումը
Oգոստոսի ութին Բաքվում տեղի է ունենալու Ադրբեջանի, Ռուսաստանի եւ Իրանի նախագահների հանդիպումը: Համաձայն Կրեմլի՝ հանդիպման վերաբերյալ տարածած հաղորդագրության, Բաքվում Վլադիմիր Պուտինը, Ադրբեջանի եւ Իրանի նախագահներ Իլհամ Ալիեւը եւ Հասան Ռոհանին քննարկելու են միջազգային եւ տարածաշրջանային քաղաքականությանն առնչվող հարցեր, ինչպես նաեւ անդրադառնալու են էներգետիկայի եւ տրանսպորտի ոլորտներում գործնական համագործակցություն հաստատելու խնդրին: Ընդգծվում է, որ Իրանի, ՌԴ եւ Ադրբեջանի նախագահների եռակողմ ձեւաչափով հանդիպում առաջին անգամ է տեղի ունենում: Բաքվում կայանալու են նաեւ երկկողմանի հանդիպումներ:
