Նարկոբարոնի VIP բանտախուցը

Հարավային Ամերիկայի ամենավտանգավոր նարկոբարոններից մեկը համարվող Խարվիս Խիմենես Պավաոն 8 տարվա ազատազրկման է դատապարվել Պարագվայի բանտերից մեկում, որտեղ, սակայն, նրա կենցաղային պայմանները պատժի փոխարեն վայելք են հիշեցնում: Ինչպես նշում է Oddity Central-ը,  հանցագործն իր բանտախուցը վերածել է լյուքս դասի համարի, որն ունի հարամարվետ կյանքի համար անհրաժեշտ բոլոր պայմանները: Հայտնի է, որ Պավաոն պետք է եկող տարի ազատ արձակվեր, սակայն երբ պարզվել է, թե ինչ հրաշալի պայմաններում է  նա ապրում բանտում, դատարանը որոշել է երկարացնել նրա ազատազրկման ժամկետը: Հայտնի է, որ Պավաոյի VIP դասի բանտախուցը 3 սենյականոց է, ունի օդորակման համակարգ,  սանհանգույց, խոհանոց, խորհրդակցությունների սենյակ, գրադարան, փայտյա մանրահատակ, թանկարժեք կահույք ու մի քանի հատ հեռուստացույց: Նշվում է, որ Պավաոն որոշակի վճարի դիմաց (5.000-6.000 դոլար) թույլ է տվել բանտակիցներին 1 շաբաթով ապրել իր համարում, որտեղ դատապարտվածները հնարավորություն են ունեցել անարգել օգտվել բջջային հեռախոսներից, համացանցից ու այցելուներ ընդունել ցանկացած ժամի: