Ողբերգական ավտովթար Վանաձոր-Դիլիջան ավտոճանապարհին. կա 4 զոհ

Օգոստոսի 1-ին, ժամը 19.39-ին ահազանգ է ստացվել, որ Վանաձոր-Դիլիջան ավտոճանապարհին տեղի է ունեցել ՃՏՊ՝ կան տուժածներ, անհրաժեշտ է օգնություն: Դեպքի վայր են մեկնել մեկ մարտական հաշվարկ և մարզային փրկարարական վարչության օպերատիվ խումբը: Պարզվել է, որ Մ-8 ավտոճանապարհի Վանաձոր-Դիլիջան հատվածի 20-րդ կմ-ին բախվել են «VAZ-2199» մակնիշի 34 MS 925 և «Toyota Land Cruiser» մակնիշի 10 DD 017 պետհամարանիշներով ավտոմեքենաները: Մինչ փրկարարների կանչի վայր հասնելը՝ 1993 թ. ծնված Ա. Գ.-ը, 1994 թ. ծնված Մ. Պ.-ը, 1992 թ. ծնված Ս. Դ.-ը և Դ. Ս.-ը տեղի ուժերով տեղափոխվել են Վանաձոր քաղաքի ԲԿ, որտեղ Դ. Ս.-ը մահացել է, իսկ մյուսների առողջական վիճակը բժիշկները գնահատել են ծայրահեղ ծանր: Փրկարարները «VAZ-2199» մակնիշի ավտոմեքենայից դուրս են բերել 1995 թ. ծնված Է. Խ.-ի և 1993 թ. ծնված Ա. Մ.-ի դիերը և հանձնել շտապօգնության ավտոմեքենային: Ինչպես հաղորդում է News.am-ը, Վանաձորի բժշկական կենտրոնում մոտ մեկ ժամ առաջ մահացել է Լոռու ողբերգական վթարից տուժած ևս մեկ անձ, այսպիսով զոհերի թիվը հասել է 4–ի։