«Թաղային խուժանը լցվել էր փողոցում և փողոցային ձևով հարցերն էր կարգավորում».Թ.Թովմասյան.տեսանյութ
«Այն, ինչ տեղի ունեցավ, նորություն չէր մեր երկրի համար: Մենք ունեցել ենք հոկտեմբերի 27, մարտի 1, բայց ցավալի է, որ այսքանից հետո մենք դասեր չքաղեցինք,իսկ բարեփոխված ոստիկանության եւ ԱԱԾ-ի մասին պատկերացումները ի չիք դարձան:Իրականում մենք ունենք ագրեսիվ ոստիկաններ, եւ չկա պատասխանատվություն՝ ոչ իշխանությունների, ոչ ընդդիմության կողմից: Երկկողմանի անպատասխանատվության մթնոլորտ է: Այս 15 օրերի ընթացքում Հայաստանում գրեթե անիշխանություն էր»,-այս մասին Հայելի ակումբում ասաց «Ժողովուրդ» օրաթերթի գլխավոր խմբագիր Թագուհի Թովմասյանը՝ խոսելով ոստիկանների կողմից լրագրողների նկատմամբ բռնի գործողությունների մասին: Ըստ բանախոսի՝ տուժած լրագրողներ, ովքեր կատարում էին իրենց մասնագիտական պարտականությունը և դարձան քաղաքացիական հագուստով մարդկանց թիրախը,այդ դեպքերից հետո ոստիկանությունը պետք է հրապարակավ բացատրություն տա, թե ովքեր էին այդ քաղաքացիական հագուստով անձիք: «Այնպիսի իրավիճակ էր, երբ չկար որևէ պատասխանատու: Ով էր պատասխանատու՝ թաղային խուժանը, ով լցվել էր փողոցում, փողոցային ձևով հարցերն էր կարգավորում՝ որևէ առնչություն չունենալով ոչ բողոքի, ոչ ընդդիմադիր զանգվածի, ոչ առավել ևս քաղաքական պրոցեսների հետ»,-ընդգծեց Թագուհի Թովմասյանը: Ավելի մանրամասն՝ տեսանյութում
Հետևեք մեզ Viber-ում
