«Թուրքը տասնինն անգամ խփել է, բան չի եղել,մի անգամ էլ թող հայը խփի».Արայիկ Խանդոյանը հրաժարվել է բժշկական օգնությունից

Hayeli.am  հետ  զրույցում  «Սասնա ծռեր» խմբավորման անդամ Արայիկ Խանդոյանի՝ Միայնակ գայլի   փաստաբան   Արայիկ Պապիկյանը  հայտնեց,որ  երեկ  շուրջ    չորսից  հինգ  ժամ՝ Արայիկ  Խանդոյանի  կնոջ  և  ընկերոջ  հետ    փնտրել  են նրան, և  շատ  ուշ  ժամի  կարողացել  են  իմանալ  նրա  գտնվելու  վայրը: «Նրա  հետ  տեսակցելու  համար  տրամադրվել  էր  5րոպե,սակայն  այն  ավելի  երկար  տևեց,քանի որ   ողջ բուժանձնակազմն ու հսկող ոստիկանները Խանդոյանի հիվանդասենյակ էին մտել` կենդանի հերոսի ձեռքը սեղմելու և իրենց երախտիքը հայտնելու համար»,-նշեց  փաստաբանը: Հարցին՝ ինչպիսի՞ն էր վերջինիս տրամադրությունը  և  առողջական  վիճակը, պաշտպանը պատասխանեց. «Ուղղակի ասաց, որ  փոխանցեմ՝  ինքը շատ   է   սիրում իր հայրենիքը  և   իր ժողովրդին:Սակայն  պետք  է  նշեմ,որ  Խանդոյանը   բժշկական օգնությունից հրաժարվել է՝ ասելով  թուրքը տասնինն անգամ խփել է, բան չի եղել, հիմա էլ չի լինի, մի անգամ էլ թող հայը խփի»,-հայտնեց  պարոն Պապիկյանը:   Լուսինե  Միքաելյան