Ինչ է Ռոնալդինյոն ասել Բրայանտին
Բասկետբոլի ազգային ասոցիացիայի (NBA) «Լոս Անջելես Լեյքերսի» աստղային պաշտպան Կոբի Բրայանտը պատմել է, թե ինչպես է կատալոնական «Բարսելոնայի» նախկին կիսապաշտպան Ռոնալդինյոն կանխագուշակել արգենտինացի հարձակվող Լիոնել Մեսսիի հաջող ապագան, ով այդ ժամանակ դեռ 17 տարեկան էր: «Տարիներ առաջ «Բարսելոնան» ժամանել էր Լոս Անջելես: Խոսում էի իմ ընկեր Ռոնալդինյոյի հետ, եւ նա ինձ ասաց. «Կոբի, ցանկանում եմ ներկայացնել քեզ մի տղայի, ով կդառնա պատմության լավագույն ֆուտբոլիստը»: Հարցրեցի նրան. «Ի՞նչ. դու ես լավագույնը»: Սակայն նա շարունակեց. «Ո՛չ, ոչ, այս տղան է լինելու լավագույնը»: Այդ տղան Լիոնել Մեսսին էր, ով այդ ժամանակ դեռ 17 տարեկան էր»,- Բրայանտի խոսքը մեջբերում է Goal.com-ը:
Հետևեք մեզ Viber-ում
