Զավեն Անդրիասյանը հռչակվեց շախմատի Հայաստանի 2016թ. չեմպիոն

Զավեն Անդրիասյանը հռչակվեց շախմատի Հայաստանի 2016թ. չեմպիոն Երեւանում ավարտված շախմատի վերջին՝ 11-րդ տուրում Անդրիասյանը սեւերով ոչ ոքի խաղաց հետնապահ Նորայր Թորոսյանի հետ եւ 8 միավորով գրավեց առաջին տեղը: Երկրորդ տեղը զբաղեցրեց Ռոբերտ Հովհաննիսյանը, որը վերջին տուրում ոչ ոքի խաղաց Հովիկ Հայրապետյանի հետ՝ վաստակելով 7.5 միավոր: 3-4-րդ տեղերը բաժանած Արման Փաշիկյանն ու Սամվել Տեր-Սահակյանը հավաքեցին 6.5-ական միավոր: Հայաստանի չեմպիոնի տիտղոսը չպաշտպանեց Կարեն Գրիգորյանը, որը 4 միավորով գրավեց 10-րդ տեղը: Հիշեցնենք, որ կանանց Հայաստանի չեմպիոն էր դարձել Մարիա Գեւորգյանը, որը 9 հնարավորից վաստակել էր 8.5 միավոր: Հայաստանի առաջնություն, 11-րդ տուր  Նորայր Թորոսյան - Զավեն Անդրիասյան՝ 0.5:0.5 Ռոբերտ Հովհաննիսյան - Հովիկ Հայրապետյան՝ 0.5:0.5 Արման Միքայելյան - Կարեն Գրիգորյան՝ 1:0 Արման Փաշիկյան - Լեւոն Բաբուջյան՝ 0.5:0.5 Տիգրան Լ. Պետրոսյան - Սամվել Տեր-Սահակյան՝ 0.5:0.5 Մանուել Պետրոսյան - Հովհաննես Գաբուզյան՝ 0:1 Մրցաշարային աղյուսակ

1. Զավեն Անդրիասյան – 8 միավոր
2. Ռոբերտ Հովհաննիսյան – 7.5
3. Արման Փաշիկյան – 6.5
4. Սամվել Տեր-Սահակյան – 6.5
5. Հովհաննես Գաբուզյան – 6
6. Մանուել Պետրոսյան – 5.5
7. Տիգրան Լ. Պետրոսյան – 5
8. Լեւոն Բաբուջյան – 5
9. Արման Միքայելյան – 4.5
10. Կարեն Գրիգորյան – 4
11.  Հովիկ Հայրապետյան – 4
12. Նորայր Թորոսյան – 3.5