Հանրահավաքը Ազատության հրապարակ տեղափոխելու պատճառը
Խորենացի փողոցում լրագրողներին ԱԻՄ առաջնորդ Պարույր Հայրիկյանը ասաց .«Ճիշտ է, ոչ մեր մասնակցությամբ, բայց համակարգող խորհուրդը որոշում է ընդունել հանրահավաքը տեղափոխել Ազատության հրապարակ, և ես ընդունում եմ խորհրդի որոշումը»: Նշենք,որ նա Խորենացի փողոց էր եկել՝ ոստիկանների հետ բանակցելու, որպեսզի քաղաքացիներին բերման չենթարկեն ու ուղղորդեն դեպի Ազատության հրապարակ:Հարցին, թե ինչո՞ւ համակարգող խորհրդի անդամները միասնական չեկան Խորենացի փողոց՝ այստեղ անցկացնելու հանրահավաքը, Պարույր Հայրիկյանը պատասխանեց, որ տարբերություն չկա՝ որտեղ է այն անցկացվում:«Եթե մենք 21-րդ դարում կամենում ենք ցույց անել որևէ խնդրի վերաբերյալ, այդ ցույցը կարող ես անել այս բևեռում և ձեր օգնությամբ փոխանցել աշխարհի մյուս բևեռ: Էնպես որ, տեղն այնքան կարևոր չէ: Ես ընդունում եմ խորհրդի ընդունած որոշումը: Այո, այստեղ է կիզակետը, բայց սա էլ չէ, այստեղից մի քանի հարյուր մետր հեռավորության վրա է: Հիմա այդ մի քանի հարյուր մետր հեռավորության վրա կատարվելիք երևույթների դեմ քո զգուշավորության կոչը կարող է հնչել և այստեղից, և Անտարկտիդայից», ասաց Հայրիկյանը:
Հետևեք մեզ Viber-ում
