Ողբերգական դեպք Տավուշի մարզում
Այսօր՝ հուլիսի 27-ին ողբերգական դեպք է տեղի ունեցել Տավուշի մարզում։ Ժամը 15։30-ի սահմաններում, 34-ամյա Արման Ապրեսյանը իր վարած Беларус մակնիշի խոտհունձ տրակտորով Մովսես գյուղում՝ «Մեծ քոլ» կոչվող հանդամասում վթարի է ենթարկվել և տրակտորով շրջվել։ Ինչպես Տավուշի մարզից հայտնում է ֆոտոլրագրող Գագիկ Շամշյանը, վթարի հետևանքով Ա․ Ապրեսյանը տեղում մահացել է։ Դեպքի վայր են ժամանել Ճանապարհային ոստիկանության 2-րդ սպայական գումարտակի 4-րդ վաշտի 2-րդ դասակի աշխատակիցները, վաշտի հարամանատար՝ Սերգեյ Հակոբյանի գլխավորությամբ։ Վթարի մասին ՃՈ օպերատիվ կառավարման կենտրոնից տեղեկությունը փոխանցել են Հայաստանի քննչական կոմիտեի Տավուշի մարզային քննչական վարչության Բերդի քննչական բաժին, որտեղից ժամանել է քննչական խումբը, հատկապես կարևոր գործերով ավագ քննիչ Արգամ Մայիլյանի գլխավորությամբ։ Փաստի առթիվ Ա․ Մայիլյանի որոշմամբ հարուցվել է քրեական գործ ՀՀ քր․օր․-ի 242 հոդվածի 2րդ մասի հատկանիշով։ Դեպքի վայր են ժամանել նաև ոստիկանության Բերդի բաժնի օպերատիվ խումբը, բաժնի պետ Գարիկ Դալլաքյանի գլխավորությամբ։ Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
Հետևեք մեզ Viber-ում
