«Զինյալները պետք է զենքերը վայր դնեն,իսկ Սեֆիլյանին ազատ արձակեն».Ազատ Արշակյան.տեսանյութ

«Սրանից հետո անպայման պետք է լինեն ակցիաներ, որովհետև ՀՀ քաղաքացիներն այլևս նահանջելու տեղ չունեն: Մենք հասկանում ենք, որ մեր երկիրը տեր չունի, անտեր  է:Իշխանություններն ու զորամասը գրաված տղաները մտել են փակուղի, որովհետև պատրաստ չէին՝ առանց արյունահեղության խնդիրը լուծելու»,-այս մասին  Հայելի  ակումբում  ասաց  ԳԽ  նախկին  պատգամավոր  Ազատ  Արշակյանը:Վերջինս  գտնում  է,որ  հարթակում հայտնված քաղաքական ուժերը մասամբ արժանի էին այնտեղ լինելու, բայց այնտեղ կային մարդիկ, որոնք խոսափող տեսան ու ելույթ ունեցան:Նախկին  պատգամավորը  նշեց,որ  ոչ թե պետք է ժողովուրդը հավաքվի, ու մարդն ամառանոցից գա՝ խոսք ասի, այլ ինքը պետք է հավաքի ժողովրդին: «Օրինակ՝ Վիտալի Բալասանյանի միսիան ավարտվեց միայն նրանով, որ պատանդներն ազատ արձակվեցին: Դա մեծ առաջընթաց էր, բայց վերջնագրեր էին դրված և՛ իշխանությունների, և՛ զինյալների կողմից: Հեղինակությունների բացակայությունը բերեց նրան, ինչ եղավ այս գիշեր. եղան կրակոցներ և արյունահեղություն: Սա լուրջ պարտություն էր մեր հասարակության համար: Պետք է գտնվեին մարդիկ, որոնք կառաջարկեին բանաձև. լուծումներ, ու արյունահեղություն չէր լինի»,- հայտնեց   Ազատ Արշակյանը՝  հավելելով,որ  խնդրի  լուծման միակ  տարբերակը  նա  է,որ  զինյալները  զենքերը  վայր  դնեն,որից հետո  պետք  է  Ժիրայր  Սեֆիլյանին  ազատ  արձակեն:   Ավելի  մանրամասն՝  տեսանյութում