«Միայնակ գայլ» Արայիկ Խանդոյանի եղբորը կալանավորել են

18:43 Ոստիկանության ՊՊԾ գունդը գրաված «Սասնա ծռեր» խմբի անդամ, «Միայնակ գայլ» մականունով Արայիկ Խանդոյանի եղբայր, ազատամարտիկ Արարատ Խանդոյանը, որը ձերբակալվել էր հուլիսի 21-ին, կալանավորվել է։ Արարատ Խանդոյանին մեղադրանք է առաջադրվել զանգվածային անկարգություններ հրահրելու համար։ Այս մասին այսօր՝ հուլիսի 25-ին,NEWS.am-ի հետ զրույցում ասաց փաստաբան Արա Ղարագյոզյանը, որը վաղvանից ստանձնելու է Արարատ Խանդոյանի պաշտպանի գործառույթը։ Կալանավորման մասին ընտանիքի անդամները տեղեկացել են Նուբարաշեն քրեակատարողական հիմնարկից։ «Ես կծանոթանամ նյութերին, նոր կմեկնաբանեմ, թե նրան առաջադրված մեղադրանքը որքանով է օրինական։ Առայժմ ոչինչ չեմ կարող ասել»,-ասաց Արա Ղարագյոզյանը։