«Քաղաքացիական պայմանագիր»-ը առայժմ կլռի
«Սասնա ծռերի» տղաները մտադիր են եղել ստեղծել գերլարվածության մի օջախ, որի շուրջ կծավալվեին այլ գործողություններ, իսկ զուգահեռ կստեղծվեին կազմակերպչական կառույցներ, որոնք կուղղորդեին շարժումը ՊՊԾ շենքի պատերից դուրս: «Ապստամբների հույսը այն ահռելի բողոքական զանգվածն է, որը կա Հայաստանում եւ որն ավելի շատացավ ապրիլյան պատերազմից հետո»,-լրագրողների հետ հանդիօմանը նշեց քաղտեխնոլոգ Վիգեն Հակոբյանը՝ հավելելով, որ, ըստ էության, տղաների արարքի եւ պահանջների հիմքում ղարաբաղյան հարցն է. «Վիտալի Բալասանյանն իր երեկվա հայտարարության մեջ ուղղակիորեն ասաց, որ Ժիրայր Սեֆիլյանին ամենաշատը հետաքրքրում են ազգային նշանակության խնդիրների շուրջ բանակցությունները: Նա ուղղակիորեն հայտնեց, որ եթե վայր են դրվում զենքերը, ապա այդ խնդիրների շուրջ Սեֆիլյանի հետ սկսվում են բանակցությունները»: Ինչ վերաբերում է նրան, որ խումբը երեկ ազատ արձակեց պատանդներին, քաղտեխնոլոգը նկատեց, որ սրանով ապացուցեցին, ոչ ահաբեկիչներ չեն եւ ի սկզբանե վնաս տալու մտադրություն չեն ունեցել. «Բավականին հետաքրքիր քարոզչական քայլ էր ցուց տալու իրենց մարդասիրական մոտեցումները, եթե ուշադիր եք եղել Պավլիկ Մանուկյանը մի քանի անգամ շեշտեց, որ իրենք ասպետներ են: Իսկ բանակցությունների գլխավոր հարցը Ղարաբաղի լուծման խնդիրն է»: Հարցին՝ կա՞պ տեսնում եք այն իրողության հետ, որ գրոհից մի քանի օր առաջ ակտիվացել էին այն խոսակցությունները, որ կարելի է զիջել ազատագրված տարածքները՝ ԼՂ միջազգային ճանաչման դիմաց, քաղաքագետը պատասխանեց. «Կարծում եմ՝ այս գործողությունների պահի ընտրությունը կապված է այդ հարցի հետ, ընդ որում ոչ միայն պատգամավորների խոսքերի վրա պետք է սեւեռվել, այլ պետք է ազդանշան լիներ Վիեննայի ու Սանկտ-Պետերբուրգի հանդիպումներից հետո բանակցությունները, դրա մասին ամենաբարձր մակարդակով ակնկարվում էր նախագահի՝ ինքնաթիռում տրված ասուլիսի ժամանակ, Բլումբերգն տված հարզազրույցում, ասաց որ մենք համաձայն ենք եղել, Ադրբեջանը կողմ չի եղել, ՀՀ-ն պարզվում է առանձնապես դեմ չի եղել այդ տարբերակին»,-ասաց Հակոբյանը: Ասուլիսին պետք է ներկա լիներ նաեւ «Քաղաքացիական պայմանագիր» կուսակցության անդամ Ալեն Սիմոնյանը, սակայն նա զանգահարեց եւ հայտնեց, որ նիստում որոշել են առայժմ որեւէ մեկնաբանություն չանել:
Հետևեք մեզ Viber-ում
