«Երկու նախագահները դաշինք են կնքել՝ ԼՂՀ ազատագրված տարածքների հարցում».Նիկոլ Փաշինյան.տեսանյութ

ԱԺ պատգամավոր Նիկոլ Փաշինյանը, ինչպես որ խոստացել էր առավոտյան, այս պահին Խորենացի փողոցում հանդես է գալիս հայտարարությամբ:Պատգամավորն  անդրադարձավ  ՀՀ առաջին նախագահ Լեւոն Տեր-Պետրոսյանի  հայտարարությանը: «Լեւոն Տեր-Պետրոսյանը  ասում է, թե հիմա պետք չէ վերլուծել այս իրավիճակը, ըստ էության, նա ասում է՝ պետք չէ անել այնպիսի մտահանգումներ, որ Սերժ Սարգսյանը հնարավորինս շուտ պետք է հեռանա իշխանությունից:Ինչո՞ւ է նա սա ասում, որովհետեւ Լեւոն Տեր-Պետրոսյանը, ինձ համար շատ ցավալի է, դաշինք է կազմել Սերժ Սարգսյանի հետ ԼՂՀ հարցում մի ծրագիր իրականացնելու համար, որը խայտառակ ու ստորացուցիչ լուծում է: Ինչո՞ւ է Լեւոն Տեր-Պետրոսյանը սա անում՝ բացի աշխարհաքաղաքական պատճառներից, այստեղ կա անձնական մոտիվ՝ նա ուզում է օգնել Սերժ Սարգսյանին ազատագրված տարածքները հանձնելու համար ու արձանագրել, որ ժամանակին ինքը ճիշտ էր ասում այդ տարածքների մասին: Սա ամոթալի մոտեցում է: Չի կարող խոսք լինել այդ մասին մի իրավիճակում, երբ Ալիեւը ատամները սրած ամեն օր հոխորտում է ՀՀ մասին: Սա նշանակում  խոսել ՀՀ եւ ԼՂՀ կապիտուլյացիայի մասին: Հայ ժողովուրդը ամեն ինչ պետք է անի խուսափելու համար դրանից: Սա քաղաքական դաշտի առաջին հարցն է»,-հայտնեց  պատգամավորը:   Ավելի  մանրամասն՝  տեսանյութում