Ինչո՞ւ Ալիևի հետ կարելի է բանակցել, իսկ «Սասնա ծռեր»-ի հետ՝ ոչ

«Խմբի անդամները հայրենասեր տղաներ են:Այս տղաները շատ հայրենասեր տղաներ են ոչ թե ահաբեկիչներ: Կարելի է թուրքի հետ նստել բանակցե՞լ, իսկ այս հայրենասեր տղաների հետ ո՞չ: Ամենալավ բանն այստեղ կլինի, որ Սէֆիլյանին ազատեն»,- Հայելի ակւմբում հրավիրված ասուլիսում նման տեսակետ հայտնեց   Քանդակագործ Լևոն Թոքմաջյանն, անդրադառնալով «Սասնա ծռեր» խմբի կողմից ՊՊԾ գնդի տարածքը գրավելու դեպքին: Նրան հետաքրքիր է՝ ինչո՞ւ Ալիևի հետ կարելի է բանակցել, իսկ «Սասնա ծռեր» խմբավորման տղաների հետ` ոչ. « Ես կարծում եմ՝ ամենալավ բանաձևը կլինի Սեֆիլյանին ազատ արձակելը։ Օրինակ, ինչի՞ բռնեցին Սեֆիլյանին, ի՞նչ էր արել։ Մի հատ ատրճանակ ուներ, էն էլ իրանք են տվել՝ որպես գնդի հրամանատարի» ։ Ըստ Թոքմաջյանի՝ տղաների արածը հոգու ճիչ էր, իրենց ձայնը լսելի դարձնելու փորձ։ Երգչուհի Լիլիթ Պիպոյանի կարծիքով էլ, խմբի տղաները կյանքի գնով այնտեղ հարց են բարձրացրել. նրանք մահապարտների են նման: «Տղաները աթոռի կռիվ չեն տալիս, այլ հայրենիքի»,- նշեց նա: ՀՀ վաստակավոր արտիստ Լալա Մնացականյանին թվում է, որ բողոքում են շատերը, գործում՝ քչերը։ «Այս տղաներին մենք պարտական ենք, քանի որ ունենք Արցախ։ Եթե մարդ իր հետ տանում է նաև տղային, ապա ելք չի տեսնում»։ Այն նամակը, որը մտավորականներն ուղղել են Սեֆիլյանին, դերասանուհին ուղղում է նախագահին. «Ինչո՞ւ չես պատասխանում»։ Տղաները գնացել են, որ վերջին կաթիլը չպայթի, ասում է դերասանուհին ու հավելում՝ մոտենում է արյունահեղությունը։ «Այն պահանջները, որ առաջադրվել են իշխանությանը, չի բավարարվելու, քանի որ իշխանությունները խոսում են մոտավորապես: Եթե արյունահեղություն լինի, ապա դա մնալու է մեր նախագահի խղճին»։