«Մենք ամեն ինչ կանենք,որ Վալերի Օսիպյանի և Պավլիկ Մանուկյանի գլխից մի մազ չպակասի».Ն.Փաշինյան.տեսանյութ

«Երեկ մինչ լուսաբաց Խորենացու փողոցում եմ եղել, օրվա ընթացքում արդեն իմ ելույթում ասացի, որ սցենարի իմաստն, ըստ էության, տեսնում եմ հավաքը բարոյապես կոտրելը, քաղաքացիների խաղաղ կամարտահայտությունը բարոյապես կոտրելը, գոնե երեկ՝ կեսգիշերին, այս ուղղությամբ կոնկրետ միջոցներ էին ձեռնարկվում»,-այս մասին «Քաղաքացիական պայմանագիր» կուսակցության գրասենյակում հրավիրված ասուլիսին հայտարարեց ԱԺ պատգամավոր Նիկոլ Փաշինյանը՝ անդրադառնալով երեկ գիշեր Խորենացի փողոցում ցուցարարների ու ոստիկանների միջեւ բախմանը: Փաշինյանը նշեց, որ չի ցանկանում մեղադրել տղաներին, բայց, ըստ նրա, «Սասնա ծռերի» անդամները չեն կարող ռեալ գնահատել իրավիճակը «Եթե ուզում են իշխանափոխություն անել, խնդրեմ, թող անեն, ես իրենց չեմ խանգարի, բայց մենք կգտնենք ձեւը, որպեսզի մեզանից կախված ամեն ինչ անենք, որ ոչ Վալերի Օսիպյանի, ոչ էլ Պավլիկ Մանուկյանի գլխից մի մազ չպակասի, բայց վախենամ, որ երեկվա գործողությունները եւ հետագա հայտարարությունները այդպիսի հանգուցալուծման տանելու հնարավորությունները որոշակիորեն սահմանափակեցին»,-նշեց պատգամավորը։   Ավելի  մանրամասն՝ տեսանյութում