Թուրքիայի բանակը առաջվա պես ուժեղ է.Սթոլթենբերգ
Gazeta.ru–ն հայտնում է ,որ ՆԱՏՕ-ի գլխավոր քարտուղար Յենս Սթոլթենբերգը Reuters գործակալությանը տված հարցազրույցում հայտնել է, որ Թուրքիայի բանակը առաջվա պես ուժեղ է՝ չնայած երկրում հեղաշրջման փորձից հետո դրա շարքերում կատարված զտումներին: «Թուրքիան մեծ զինված ուժեր ունի, պրոֆեսիոնալ զինված ուժեր ...: Ես վստահ եմ, որ դրանք կշարունակեն մնալ ՆԱՏՕ-ի հավատարիմ ու ուժեղ գործընկերները:Ակնկալում եմ , որ Թուրքիայի իշխանությունների արձագանքը հեղաշրջմանը կլինի համաչափ ու կհամապատասխանի ՆԱՏՕ-ի արժեքներին»,-ասել է Սթոլթենբերգը և հավելել է, որ դաշինքին Թուրքիայի անդամակցության վերանայման հարցը չի դիտարկվում: «Բոլորիս համար կարևոր է, որ Թուրքիան շարունակում է լինել ՆԱՏՕ-ի ուժեղ դաշնակիցը, քանի որ Թուրքիան գտվում է այն ամբողջ անկայունության ու բռնության սահմանին, որը մենք դիտարկում ենք Իրաքում ու Սիրիայում»,- հայտարարել է նա:
Հետևեք մեզ Viber-ում
