Հացի խնդիր կա, մարդիկ լարվում են. Փաշինյան
20:54 Խորենացի փողոցը շարունակվում է մարդաշատ մնալ: Մարդիկ ուտելիք են հավաքել և ցանկանում են այն ուղղարկել ՊՊԾ գնդի տարածքում գտնվող «Սասնա ծռեր» խմբի տղաներին: «Ահաբեկիչներին հաց չեն ուղարկում, և մենք մեր այս քայլով ուզում են ցույց տալ, որ ներսում մեր եղաբայրներն են, այլ ոչ թե ահաբեկիչներ»,- հայտարարեց քաղաքացիներից մեկը: Ցուցարարներից մեկը քաղցրավենիք է բերել, որն ուզում է փոխանցել ներսում գտնվող նկարիչ Աշոտ Պետրոսյանին: «Ես Ձեզ շատ եմ սիրում, իմ Աշոտ: Ես գիտեմ, որ ինքը շատ է սիրում քաղցր»,- ասաց նա: Նշենք, որ այնտեղ է նաև «Արաբո» ջոկատի հրամանատր Մանվել Եղիազարյանը, ում միջոցով էլ քաղաքացիները ցանկանում են սնունդն ուղարկել ներս: Պատգամավոր Փաշինյանը այս ապսհին գտնվում է Խորենացի փողոցում: Նա նշեց, որ սննդի մատակարարման հարցով խնդիրն ավելի է սրվել. «Համենայն դեպս, բավարար կամ բավավարին մոտիկ սնդունդ չի մատակարարվել տղաներին: Սա հարց է, որը պետք է լուծված լիներ, բայց անհասկանալի է՝ ինչու է ձգձգվում: Մենք պետք է բոլոր ջանքերը գործադրենք, ու եղած լարումների պատճառները հանդարտեցնենք: Պետք է առանց զոհերի հանգուցալուծման գանք: Երբ մարդիկ իմանում են, որ հացի խնդիր կա, մարդիկ լարվում են, նեգատիվ ազդակ է դա: Պետք է վերացնենք դա»։
Հետևեք մեզ Viber-ում
