Շերեմետի սպանությունը նպատակ է ունեցել. Պորոշենկո
Ուկրաինայի նախագահ Պյոտոր Պորոշենկոն համոզված է, որ հայտնի լրագրող Պավել Շերեմետի սպանությունը նպատակ է հետապնդել ապակայունացնել իրավիճակը Ուկրաինայում: «Իմ կարծիքով այդ հանցագործությունը մեկ նպատակ է հետապնդել. ապակայունացնել իրավիճակը Ուկրաինայում: Չի բացառվում, որ դրան հաջորդեն նաև այլ միջադեպեր»,- հայտարարել է նախագահը՝ ուկրաինական 112 հեռուստաընկերությանը տված հարցազրույցի ժամանակ: Պորոշենկոն չի բացառել նաև, որ դրա հետևում կանգնած են «օտար հետաքրքրություններ»: Նա ընդգծել է նաև, որ իրավապահներին արդեն հանձնարարել է քայլեր ձեռնարկել հանցագործությունն ամբողջությամբ բացահայտելու ուղղությամբ և նշել է, որ քննությունը վարում է ազգային ոստիկանությունը՝ ոստիկանապետ Խատիեյ Դեկանոիձեի գլխավորությամբ: Նախագահը տեղեկացրել է, որ քննչական աշխատանքներին մասնակցում են նաև հատուկ քննչական ծառայության աշխատակիցները, ԱՄՆ-ի և Եվրոպայի մասնագետները: Ավելի վաղ հաղորդվում էր, որ Ուկրաինայի ներքին գործերի խորհրդական Զորյան Շկիրյակը ներկայացրել է սպանության մի քանի վարկած, իսկ անձամբ սպանության հետևում ռուսական հետք է տեսնում: Հանրության շրջանում շատերը կարծում են, որ լրագրողի սպանության համար հիմք է հանդիսացել նրա մասնագիտական գործունեությունը, քանի որ նա շատ հազվադեպ, բայց սուր թեմաներ էր շոշափել: Նկատենք, որ Կրեմլն արդեն այդ իսկ կապակցությամբ հայտարարություն է տարածել, որտեղ հայտնել է իր ցավակցությունները:
Հետևեք մեզ Viber-ում
