«Այդ տղաները զոհեր են,ոչ թե ահաբեկիչներ».Դավիթ Գասպարյան.տեսանյութ

«Հասարակությունը  գտնվում է  ծայրահեղ  լարվածության մեջ:Սա կուտակվել է ժամանակի ընթացքում, սա մեկ օրվա բան չէ: Այս ծայրահեղ լարվածությունը գալիս է նախ՝ սոցիալական անհավասարությունից, մեր ժողովրդի մեջ կուտակված զարհուրելի դժգոհությունից, այս հայրենիքից հեռանալուց»,-այս  մասին  Հայելի  ակումբում  ասաց  գրականագետ Դավիթ Գասպարյանն՝ անդրադառնալով  «Սասնա ծռեր» խմբի զինված անդամների կողմից ՊՊԾ գնդի տարածք մտնելուց հետո կատարվող իրադարձություններին:Գրականագետը  նշեց,որ  խմբի  անդամները  զոհեր  են,այլ ոչ թե՝  ահաբեկիչներ: «Ես շատ ծանր տարա այս իրավիճակը, և իմ վերաբերմունքը հետևյալն է՝ Ժիրայր Սէֆիլյանն ազգային հերոս է: Այդ մարդը կռվել է Ղարաբաղում, հաղթանակ է տարել, ապահովել է մեր առաջընթացը, եթե առաջընթաց կա գոնե Ղարաբաղի հետ հարցերի լուծման գործում: Ինչպե՞ս ենք մենք վարվում մեր հերոսների հետ: Սամվել Բաբայան կար, հերոս մարդ էր: Ի՞նչ արեցինք, տարանք, Շուշիի բանտում նստեցրինք: Ժիրայր Սէֆիլյանին տարել, բանտում նստեցրել ենք: Ինչո՞ւ»,-ընդգծեց  պարոն  Գասպարյանը:   Ավելի  մանրամասն՝  տեսանյութում