Վերջին փամփուշտի տեղը սահմանն է. Լարիսա Ալավերդյան
Այսօր «Հոդված 3» իրավապաշտպան Ավետիք Իշխանյանը խոսելով վերջին օրերի իրադարձությունների մասին, ասաց, որ ինքը լուծում է առաջարկում ստեղծված իրավիճակի՝ իշխանությունները պետք է գնան լուրջ զիջումների, ընդհուպ մինչեւ համաներում, բացի ոստիկանի սպանության օբյեկտիվ քննությունը: Պետք է գնալ զիջումների, որ արյունահեղություն չլինի: Պետք է լինի բաց քննություն: «Ընդդեմ իրավական կամայականությունների» ՀԿ նախագահ Լարիսա Ալավերդյանի խոսքով՝ «Զինված խումբը մտնում է բանակցությունների մեջ, պատանդների են թողել, խոսում է դրական բանի մասին: Բայց իշխանությունները հստակ ասել են, որ իրենք չեն գնալու պահանջներին: Ցավոք, պահանջներն անուղղակի քաղաքական են: Սերժ Սարգսյանի հրաժարականը կես բերան ասվեց: Հիմնական շեշտը դրվեց Ժիրայր Սեֆիլյանի եւ քաղբանտարկյալների վրա: Եթե խնդիրը եղել է արթնացնել, դա դատական գործընթաց է: Դատարանն էլ է պայքարի ձեւ: Եթե մենք ասում ենք՝ չենք զիջելու, դա խոսում է արյան մասին: Որ արյունահեղություն չլինի, ես հույս ունեմ տղաների խելամտության վրա: Սադրիչ է հայտարարությունը, որ մինչեւ վերջին փամփուշտը կդիմադրենք, այդ բառապաշարը այն տեղը չէ ներսում խնդիրներ լուծելու»,- ասաց Ալավերդյանը:
Հետևեք մեզ Viber-ում
