Ռուսական ինքնաթիռը խոցած օդաչուներին Թուրքիայում ձերբակալել են

Թուրքական «Հուրիեթ» պարբերականը` հղում անելով AFP­-ին հայտնում է,որ  ռուսական Սու­24 ինքնաթիռը խոցած թուրքական կործանիչի օդաչուները ձերբակալվել են: Ֆրանսիական լրատվամիջոցը հայտնել է, որ օդաչուները ձերբակալվել են Թուրքիայում ձախողված ռազմական հեղաշրջման փորձին հաջորդած գործողությունների շրջանակում: ՌԴ­ի եւ Թուրքիայի միջեւ հարաբերությունները հայտնվել են ճգնաժամում այն բանից հետո, երբ 2015 թվականի նոյեմբերի 24-­ին թուրքական F­ 16 կործանիչը Սիրիայում խոցել է ռուսաստանյան Սու­24 ռմբակոծիչին: ՌԴ նախագահ Վլադիմիր Պուտինը դա անվանել է ահաբեկիչների հանցակիցների կողմից «հարված թիկունքից»: Միջադեպից հետո ՌԴ նախագահը հրամանագիր էր ստորագրել ազգային անվտանգության ապահովման գծով միջոցառումների եւ Թուրքիայի նկատմամբ հատուկ տնտեսական պատժամիջոցների կիրառման մասին: Ռուսաստանի ղեկավարները հայտարարել են, որ թուրք­ռուսական հարաբերությունները վերականգնելու մասին հնարավոր կլինի խոսել միայն այն բանից հետո, եթե Թուրքիայի ներկայիս ղեկավարությունը պաշտոնապես ներողություն խնդրի Մոսկվայից եւ փոխհատուցի խոցված ռուսաստանյան ինքնաթիռի եւ ուղղաթիռի անձնակազմերի ընտանիքներին: