Ավտովթար`«Երևան Սիթի»-ի դիմաց

Այսօր` հունվարի 22-ին, խոշոր ավտովթար է տեղի ունեցել Երևանում: Ժամը 17:00-ի սահմաններում Գայի պողոտայում` «Երևան Սիթի» սուպերմարկետի դիմաց, բախվել են Երևանի Նոր Նորք վարչական շրջանի 9-րդ զանգվածի բնակիչ, Գարեգին Ավետիսյանի վարած Opel մակնիշի 10 VV 102 համարանիշի և Նոր Նորք վարչական շրջանի 3-րդ զանգվածի բնակիչ Արշակ Աթանեսյանի վարած Volkswagen մակնիշի 34 VF 516 համարանիշի ավտոմեքենաները: Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով Opel-ը գլխիվայր շրջվել է: Ըստ նախնական տեղեկությունների` զոհեր և վիրավորներ չկան: Օպերատիվորեն դեպքի վայր են ժամանել ոստիկանության Նոր Նորքի պարեկապահակային բաժնի աշխատակիցները և ճանապարհային ոստիկանության 1-ին սպայական գումարտակի ծառայողները: Վթարի վայրում աշխատանքները ղեկավարում է ՃՈ հետաքննչականմ բաժնի ավագ հետաքննիչ Գևորգ Խանաղյանը, ում կողմից փաստի առթիվ նյույթեր են նախապատրաստվում: Ավագ հետաքննիչի հանձնարարականով ավտոմեքենաները տեղափոխվեցին Երևանի ՃՈ պահպանվող հատուկ տարածք, քանի որ վթարի մեջ վարորդները միմյանց են մեղադրում: Ֆոտոլրագրողը հայտնում է, որ օպերատիվ են գործել նաև ապահովագրական ընկերության ներկայացուցիչները: