Իշխանություններրը պարտավոր են ժամանակ շահել, ամեն ինչ անել, որ նոր զոհեր չլինեն. Գ. Եղիազարյան
Այսօր վաղ առավոտյան «Հիմնադիր խորհրդարան»-ի և «Սասնա Ծռեր» խմբավորման միջոցով տեղի է ունեցել զինված ապստամբություն: Զինված անդամները գրավել են ոստիկանության Էրեբունու շրջանի պարեկապահակային ծառայության գունդը և պատանդ են վերցրել ոստիկանների: Կատարվածի շուրջ Hayeli.am-ը զրուցեց ԱԱԾ պետի նախկին տեղակալ Գուրգեն Եղիազարյանի հետ: Մեր զրուցակցի պնդմամբ՝ անընդունելի է կատարվածը, զինված հարձակմամբ հարցերի լուծումը: Ըստ Եղիազարյանի՝ այս ամենին կազմակերպիչները նախապես են պատրաստվել. «Սրա մասին մտածել են, բայց մյուս կողմից էլ, Ժիրայր Սէֆիլյանը միշտ եղել է իրենց տեսադաշտում, այդքան բանը կատարվել է, պետք է լրջագույնս հետևություններ անեին: Չէ՞ որ առաջին դեպքը չէ, երբ նման մարդիկ լինում են տեսադաշտում, հետագայում գործողություն են անում: Եթե եղել են իրենց տեսադաշտում, ինչպե՞ս են այդքան զենք հավաքել: Եթե Ժիրայր Սէֆիլյանը և իր շրջապատը եղել են իրենց տեսադաշտում, ինչպես սա կատարվեց»,-ասաց նա Գուրգեն Եղիազարյանը՝ շարունակելով,-իշխանություններրը պարտավոր են ժամանակ շահել, ամեն ինչ անել, որ նոր զոհեր չլինեն:
Հետևեք մեզ Viber-ում
