Միջազգային մամուլի անդրադարձը հայաստանյան իրադարձություններին

«Հիմնադիր խորհրդարանի» և «Սասնա Ծռեր» խմբավորման զինված անդամները Ոստիկանության Էրեբունու բաժնում պատանդ են վերցրել ոստիկանության աշխատակիցների՝ նրանց ազատման դիմաց պահանջելով ազատ արձակել մոտ մեկ ամիս առաջ կալանավորված ազատամարտիկ Ժիրայր Սէֆիլյանին:Reuters-ը, BBC-ն, Al Jazeera-ն, The Sun-ը, The Mirror-ը, Eurasianet.org-ը, RT-ն, ռուսական գրեթե բոլոր կայքերը՝ RIA Novosti-ն, Interfax-ը, Gazeta-ն, TASS-ը, ուկրաինական Korrespondent.net-ը գրում են  երևանյան իրադարձությունների մասին՝ օգտվելով հայկական կայքերի և ոստիկանության հրապարակումներից: EurasiaNet-ը հաղորդում է, որ ոստիկաններին պատանդ վերցրած անձինք պահանջում են ազատ արձակել Ժիրայր Սէֆիլյանին: Նշվում է, որ «Հիմնադիր խորհրդարանի» անդամ Վարուժան Ավետիսյանը պահանջել է ազատել բոլոր քաղբանտարկյալներին և հայտարարել, թե ձգտելու են հասնել իշխանափոխության: Ինչպես գրում է interfax.ru-ն, Երևանում՝ Էրեբունի վարչական շրջանում, տեղի ունեցած զինված հարձակումից հետո, ոստիկանական ուժերը փորձել են կանգնեցնել այն: Էրեբունիի ՊՊԾ-ն գրոհողները գերի են վերցրել ոստիկանության աշխատակիցների: lenta.ru-ն է հաղորդում է. Ոստիկանության աշխատակիցները մեծ ուժեր են կուտակել Էրեբունու բաժնի տարածքում, որտեղ տեղի էր ունեցել զինված հարձակումը:Գրոհողներից Արեգ Կյուրեղյանը տեսանյութ է հրապարակել: Տեսանյութում երևում է, թե ինչպես են գերի վերցվել ոստիկանական աշխատակիցներ: