Դեպի Թուրքիա չվերթները հետաձգվել են` նաև Երևան-Ստամբուլը

Միջազգային տարբեր ավիաընկերություններ հայտարարել են դեպի Թուրքիա չվերթների հետաձգման մասին: Հետաձգվել է նաև Երևան-Ստամբուլ հուլիսի 16-ի 05:20-ին նախատեսված չվերթը: Հիշեցնենք, որ Թուրքիայի մայրաքաղաք Անկարայում հուլիսի 15­-ի գիշերը հրաձգություն է սկսվել, քաղաքի վրայով ռազմական ուղղաթիռներն ու ինքնաթիռները թռիչքներ են իրագործել, երկրի վարչապետ Բինալի Յըլդըրըմը հայտարարել է, որ Թուրքիայում ռազմական հեղաշրջման փորձ է կատարվել։ Զոհվել է իշխանության 161 կողմնակից: Վիրավորների թիվն անցնում է 2000­-ից: Գլխավոր շտաբի պետի պաշտոնակատարը հայտնել է, որ ընդհանուր առմամբ ձերբակալվել է 1563 զինվոր: