Ցուցարարները դեռ շարունակում են կրակել Անկարայում եւ Ստամբուլում
Լրատվամիջոցները տեղեկություններ են տարածել, որ Թուրքիայում ռազմական հեղափոխության փորձի ընթացքում Թուրքիայի նախագահ Էրդողանը լքել է երկիրն ու հեռացել, որոշ լրատվամիջոցներ էլ տեղեկացրել են, որ նա «անվտանգ վայրում է»։ Վարչապետ Բինալի Յըլդըրըմը ավելի ուշ հայտարարել է, որ հեղափոխություն իրականացնել ցանկացողները ձերբակալվել են, սակայն ականատեսները պատմել են, որ ցուցարարները դեռ շարունակում են կրակել Անկարայում եւ Ստամբուլում։ Ավելի ուշ Ստամբուլ է ժամանել նախագահ Էրդողանը, ով հայտարարել է, որ ռազմական հեղափոխության փորձ կատարողները խստորեն պատժվելու են։ Նա հայտարարել է, որ դրանք զինվորականների փոքր խումբ են եւ անպայման շատ շուտով բոլորը կձերբակալվեն։ Նա հայտարարել է նաեւ, որ չի պատրաստվում հեռանալ երկրից եւ մնալու է «իր ժողովրդի կողքին»։ «Մենք մեր բանակը կմաքրենք դավաճաններից, նրանք համարձակվել են զենք բարձրացնել ժողովրդի վրա։ Դեռ շատ ձերբակալություններ կլինեն, այդ թվում՝ բարձրաստիճան զինվորականների շրջանում»,- հայտարարել է Էրդողանը։ Լրատվամիջոցները նշում են, որ մի շարք գեներալներ հեռացվել են պաշտոններից, կան հարյուրավոր ձերբակալված զինվորականներ,նախնական տվյալներով, 60 զոհ կա։
Հետևեք մեզ Viber-ում
