Ռուսաստանը կների 174 մլն դոլարի ժամկետանց պարտքը

Պետական դումայի պրոֆիլային կոմիտեն հավանություն է տվել «Ռուսական Դաշնության հանդեպ Մոնղոլիայի ֆինանսական պարտավորությունների կարգավորման մասին Ռուսաստանի եւ Մոնղոլիայի կառավարությունների միջեւ համաձայնագրի վավերացման մասին» օրենքի նախագծին, որի համաձայն, Ռուսաստանը դուրս կգրի Ռուսաստանի հանդեպ Մոնղոլիայի պետական պարտքի 97 տոկոսը` 174,2 մլն դոլար գումարով: Օրենքի նախագծին կից պարզաբանող գրության մեջ ասված է, որ պարտքը վաղուց ժամկետանց է: Փաստաթղթի վավերացումից հետո Մոնղոլիան Ռուսաստանին պարտք կմնա 3,8 մլն դոլար, որոնք անհրաժեշտ է վճարել 30 օրվա ընթացքում:   Մոնղոլիայի պետական պարտքը դուրս գրելու վերաբերյալ օրենքի նախագիծը Պետդումա էր մտցրել ֆինանսների փոխնախարար Սերգեյ Ստորչակը, որը նշել է, որ Մոնղոլիայից մսի մատակարարում կազմակերպելը դժվար է այդ երկրում համաճարակաբանական իրավիճակի հետ կապված, հաղորդում է ՏԱՍՍ-ը: