Քերին ու Պուտինը Մոսկվայում կքննարկեն
ԱՄՆ-ի պետքարտուղար Ջոն Քերին հինգշաբթի Մոսկվա է ժամանում՝ Ռուսաստանի ղեկավարության հետ բանակցություններ վարելու:
Պետքարտուղարության ղեկավարին կընդունի Ռուսաստանի նախագահ Վլադիմիր Պուտինը:
«Թեմաները բավականաչափ կանխատեսելի են, դրանք են թե՛ Սիրիան, թե Ուկրաինան եւ թե երկկողմ հարաբերությունների հարցերը», - ասել Է ՌԴ նախագահի մամուլի քարտուղար Դմիտրի Պեսկովը:
Հաջորդ օրը Քերին բանակցություններ կվարի ՌԴ արտաքին գործերի նախարար Սերգեյ Լավրովի հետ:
Փորձագետները ենթադրություններ են անում, թե դիվանագետի այս այցը կդառնա արդյոք վերջինը մինչև այս տարվա նոյեմբերին ԱՄՆ-ի նախագահի ընտրությունները:
Բազմիցս հնչել է այն կարծիքը, թե ԱՄՆ-ի հեռացող վարչակազմը մինչև իր լիազորությունների ավարտը ցանկանում է հիշվել Սիրիայի, Ուկրաինայի, Լեռնային Ղարաբաղի ճգնաժամերի կարգավորմամբ, դրանով իսկ արդարացնելով Բարաք Օբամայի՝ խաղաղության Նոբելյան մրցանակը, որը նա ստացել է 2009 թվականին, հայտնում է «ТАСС»-ը:
Հետևեք մեզ Viber-ում
