Շունը շան թաթ չի կծի.Անուշ Սեդրակյանը՝ ռուս-թուրքական հարաբերությունների ջերմացման մասին
«Ազատ դեմոկրատներ» կուսակցության փոխնախագահ Անուշ Սեդրակյանը՝ խոսելով ռուս-թուրքական հարաբերությունների ջերմացման մասին,Հայելի ակումբում հրավիրված ասուլիսում իր խոսքը սկսեց շունը շան թաթ չի կծի ասացվածքով և հորդորեց չմոռանալ նաեւ, որ Ռուսաստանը շարունակում է զենք վաճառել Ադրբեջանին: ԼՂ հարցի շուրջ միջազգային ուշադրությանն անդրադառնալով՝ Անուշ Սեդրակյանը նշեց, որ կոնֆլիկտի նկատմամբ ֆիքսվածությունը ցույց է տալիս, որ տարածաշրջանում սրված վիճակ է. «Ասվում է, որ Ջոն Քերին պատրաստվում է Մոսկվա այցի ժամանակ խոսել Սիրիական հարցի և ԼՂ հարցի մասին: Սա հիմք է տալիս մտածելու, որ այն բոլորի ուշադրության կենտրոնում է եւ վիճակը բավական սուր է»: «Ալիևի իջեցված ձայնը Սանկտ Պետերբուրգի հանդիպումից հետո բարձրացավ հինգ անգամ և ավելի ռազմատենչ դարձավ»,-Անուշ Սեդրակյանին մտահոգում է նաեւ այն հարցը, որ դեռ ոչ ոք չի անդրադառնում Վիեննայի համաձայնությանը հետաքննող մեխանիզմ տեղադրելու մասին:
Հետևեք մեզ Viber-ում
