Լևոն Սարգսյանը ինձ օգնեց.Արամի 30-ի կառուցապատող
Արամի 30-ին հարակից տարածքում հյուրանոցային համալիր կառուցողը` Ավետիս Կարագուլյանը Հայելի ակումբում լրագրողների հետ հանդիպմանը ներկայացեց բոլոր փաստերը: «Արդեն 12 տարի է, ինչ Սիրիայից վերադարձել և մշտական բնակություն եմ հաստատել Հայաստանում»,-պատմեց Կարագուլյանը և հավելեց ,որ տարիներ առաջ, երբ Հալեպում հյուպատոս էր, Երևանում` Ամիրյան փողոցում, հող էր ձեռք բերել, որտեղ էլ, ըստ նրա, մեկ ուրիշը` Մելիք Գասպարյանը, կառուցապատում էր իրականացրել` խախտելով իր իրավունքները: «Գրավոր նամակով դիմեցի Լևոն Սարգսյանին, ով էլ ասաց, որ դատարան դիմեմ: Նա ինձ օգնեց այս հարցում, այսինքն` օգնեց վերականգնել իմ խախտված իրավունքները: 2-3 տարի դատավարության մեջ էի, վերջում դատը շահեցի»,- ասաց Կարագուլյանը: Նա նաև նշեց, որ իր և Սարգսյանի միջև կապն այսքանով էլ ավարտվել է, և խոսակցությունները, թե Արամի փողոցում հյուրանոցի կառուցման գործում կրկին նա է իր թիկունքին կանգնած, իրականությանը չեն համապատասխանում:
Հետևեք մեզ Viber-ում
