«Ժիրայր Սեֆիլյանի բացակայությամբ՝ գաղտնի դատ է եղել».փաստաբան.տեսանյութ

«Ժիրայր Սեֆիլյանի և նրա կողմնակիցների նկատմամբ ֆիզիկական կամ իրավական բռնություններին նախորդել են քարոզչական բնույթի վարկաբեկիչ և զրպարչական արշավներ տարբեր լրատվամիջոցներով և սոցցանցերով: Վերջին դեպքը տեղի ունեցավ 2016 թ. հունիսի 20-ին, երբ քաղաքական պատվերով հարուցված հերթական շինծու գործով կալանավորվեց Ժիրայր Սէֆիլյանը: Ժիրայր Սէֆիլյանի մեկուսացումն ապահովելու նպատակով նույն ձեռագրով հունիսի 12-ին համապատասխան հասարակական տրամադրություններ ձևավորելու նպատակով Արմենիա հեռուստաընկերությամբ ցուցադրվեց դիտարկվող հաղորդումը, որը պետք է ավելի լայն ձևաչափով կրկնվեր հունիսի 19-ին, իսկ հունիսի 20-ին արդեն պլանավորված էր կալանավորել Ժիրայր Սէֆիլյանին: Տեղեկատվական հակազդեցության և հասարակական բուռն ու լայն պարսավանքի շնորհիվ նախատեսվող հաղորդումը չկրկնվեց, սակայն զուգահեռաբար հրապարակումներ եղան մամուլի այլ աղբյուրներում, որից հետո Ժիրայր Սէֆիլյանն ըստ ծրագրի   կալանավորվեց»,-այս  մասին  լրագրողների  հետ  հանդիպման  ժամանակ  ասաց  փաստաբան    Տիգրան Հայրապետյանը: Փաստաբանը  շետեց, որ  անհասկանալի  դատական  նիստ  է  եղել պաշտպանի  հեռանալուց  հետո,  որոշում  է  կայացվել, որին  ներկա  չի  եղել նաև   Ժիրայր   Սեֆիլյանը: Սա  ցույց  է  տալիս, որ  Սեֆիլյանի  նկատմամբ՝  ակնհայտ  խտրական  վերաբերմունք  է  դրսևորվում:   Ավելի  մանրամասն՝  տեսանյութում