Վախենում ենք Ղարաբաղի «նախիջևանացումից». Արա Պապյան
«Ապրիլյան պատերազմում հայկական կողմի հարյուրավոր զոհերը, ըստ էության, չպետք է լինեին, քանի որ հայկական կողմը հարձակվողական պատերազմ չէր վարում :Կան որոշակի բարելավումներ սահմանին, նոր սարքավորումների տեղադրումներ, նոր զինատեսակներ, բայց, էական առումով, ռուսական կողմից 200 միլիոնի զենքի հարցը մնաց անորոշ», - լրագրողների հետ հանդիպմանը հայտարարեց «Մոդուս վիվենդի» կենտրոնի հիմնադիր Արա Պապյանը և շեշտեց՝ բարեփոխումներ չի տեսնում այն առումով, որ մի քանի փոփոխությունները հայկական բանակում բավարար չեն. «Մի գեներալ ձերբակալեցին, մի երկուսին պաշտոնաթող արեցին, բայց ոչ մի լուրջ հետևություն»:
«Արտաքին քաղաքական առումով գնալով ավելունում է ճնշումը Հայաստանի վրա:ԼՂ խնդրի լուծումը դիտարկվում է հայկական կողմի միակողմանի զիջումների շրջանակներում:Խոսվում է փոխզիջման մասին, բայց Ադրբեջանը ոչինչ չի զիջում, խոստում է տալիս, որ ապագայում կարող է, բայց թե ինչ կլինի հետո՝ չգիտենք: Միաժամանակ Ադրբեջանի նախագահը հայտարարում է, որ բացառվում է Լեռնային Ղարաբաղի անկախությունը: Մենք վախենում ենք Ղարաբաղի նախիջևանացումից, որը փորձում են մեզ հրամցնել», - ասաց նա:
Հետևեք մեզ Viber-ում
